იმისთვის, რომ საჯარო სამსახურმა მოიპოვოს მიუკერძოებელი, ობიექტური და კოლეგიალური უწყების სტატუსი და აიმაღლოს საზოგადოების ნდობა, საჭიროა პასუხობდეს ეთიკური გარემოს შექმნისა და საჯარო მოსამსახურის პროფესიული სტანდარტების დამკვიდრების მოთხოვნებს, რაც საჯარო მოსამსახურის ქცევის წესების, პრინციპებისა და ღირებულებების შესრულებაში გამოიხატება. სწორედ ამას ემსახურება აღნიშნული კურსი და ხელს შეუწყობს მსმენელებმა წარმატებით გამოიყენონ მიღებული ინფორმაცია და უნარ-რჩევები როგორც პროფესიულ საქმიანობაში, ისე პირად ურთიერთობებში. 

კურსი განკუთვნილია მათთვის,  ვინც ტრენინგების ჩატარებას ახლა იწყებს, ლექტორებისთვის, რომლებსაც კვალიფიკაციის ამაღლება სურთ  ასევე, გამოცდილი ტრენერებისთვის.

კურსი დაეხმარება ყველას, ვისაც ზრდასრულთა საგანმანათლებლო სფეროში უწევს მუშაობა და თავდაცვის სამინისტროს სტრუქტურის თანამშრომლებთან თუ სტუდენტებთან/იუნკერებთან/მსმენელებთან ყოველდღიურად  აქვს შეხება.

მოტივაცია არის ყოველი წარმატებული მცდელობის მამოძრავებელი ძალა, ყოველი წარმატების წინაპირობა, მას დიდი გავლენა აქვს ყოველდღიურ ურთიერთობებსა თუ წარმატების მიწევაზე, ასევე მნიშვნელოვან როლს თამაშობს შესრულებულ სამუშაოში.

სამხედრო ტოპოგრაფიაში გეოინფორმაციული სისტემების გამოყენების შესწავლა ხელს შეუწყობს ნატოს წევრ და სხვა პარტნიორ ქვეყნებთან ურთიერთთავსებადობას, უწყებათაშორის კოორდინაციას, დაზოგავს დროს, ადამიანურ და მატერიალურ რესურს, უზრუნველყოფს მაღალ სიზუსტეს.

_{შეიარაღებული კონფლიქტების სამართალი წარმოადგენს ფუნდამენტურ სამართლებრივ ბაზისს ყველა იმ სამხედროსთვის, რომლებიც გეგმავენ და ასრულებენ, როგორც საბრძოლო, ისე სამოქალაქო მხარდაჭერის ოპერაციებს, რადგანაც მათ ზუსტად უნდა იცოდნენ ყველა ის შეზღუდვა და აკრძალვა საომარ სიტუაციაში, რაც იცავს სამხედროებს ომის დანაშაულის ჩადენისაგან. კურსის განმავლობაში მსმენელები გააცნობიერებენ შეიარაღებული კონფლიქტების სამართლის  პრინციპებს.}

კურსის განმავლობაში მსმენელი გაიაზრებს დაგეგმვის ყველა საფეხურსა და მნიშვნელობას საბრძოლო ბრძანების შემუშავების დროს. კურსი აქტუალურია ყველა იმ უმცროსი ოფიცრისა და სერჟანტისთვის, რომლებსაც ყოველდღიურ საქმიანობაში უწევთ ზემდგომისგან მიღებული ბრძანებების დამუშავება და ოცეულის დონეზე მისი შესრულება.

საკუთარი თავისა და შესაძლებლობების შესწავლა თანამშრომლებს ეხმარება მნიშვნელოვანი უნარებისა და თვისებების გამოვლენაში, რომელიც აუცილებელია პირადი და პროფესიული წარმატებისთვის.

კურსის განმავლობაში მსმენელები დოკუმენტის პრაქტიკულად შექმნით გააცნობიერებენ სამხედრო ადმინისტრაციის არსს სამსახურეობრივ საქმიანობაში. კურსი აქტუალურია ყველა იმ უმცროს ოფიცერთა კატეგორიისთვის და სამოქალაქო პერსონალისათვის, რომლებსაც ყოველდღიურ საქმიანობაში სამსახურეობრივი შეხება აქვთ მინისტრის ბრძანებებთან და თავდაცვის ძალების მეთაურის მარეგულირებელ დოკუმენტებთან.

მსმენელები გააცნობიერებენ თანამედროვე გლობალური უსაფრთხოების გარემოს შექმნაში კონფლიქტის როლს, მისი თავისებურებებს, განვითარების პერსპექტივებს, ძირითად ტენდენციებსა და გამოწვევებს. კურსის განმავლობაში მსმენელები აიმაღლებენ ცოდნას იმის შესახებ, თუ როგორ უნდა მოახდინონ კონფლიქტის იდენტიფიკაცია, როგორ უნდა მართონ ის, ასევე თუ რა ხერხები შეიძლება გამოიყენონ კონფლიქტის თავიდან ასაცილებლად და რა კონსტრუქციული გზები შეიძლება მოძებნონ.  

ეფექტური კომუნიკაცია, თანამშრომლობა და გუნდური მუშაობა - ნებისმიერი დაწესებულების ეფექტიანი ფუნქციონირების საყრდენს წარმოადგენს. ეს არის კომპლექსური და დინამიური პროცესების ჯაჭვი, რომელიც უზრუნველყოფს ინდივიდებისა და ჯგუფების კოორდინირებულ მოქმედებას და მნიშვნელოვან როლს ასრულებს სოციალიზაციის, გადაწყვეტილების მიღებისა და პრობლემების მართვაში. 

სტრესი სამხედრო და სამოქალაქო პირებისთვის გარდაუვალი რეალობაა საბრძოლო მოქმედებების დროს. კურსის განმავლობაში მსმენელებს შესაძლებლობა მიეცემათ გააცნობიერონ სტრესის  დადებითი და უარყოფითი  შედეგები და ის გართულებები, რომლებმაც შესაძლოა თავი იჩინონ ნებისმიერი სტრესული სიტუაციის და განსაკუთრებით, საბრძოლო მოქმედებების დროს. კურსის აქტუალობაა - კონფლიქტის იდენტიფიკაციის, მართვისა და თავიდან აცილების ხერხების ცოდნა, მისი არსებობის შემთხვევაში კი, კონსტრუქციული გზით მოგვარება.

მსმენელები გაეცნობიან გენდერის ცნებას, მის კულტურულ და სოციალურ ფაქტორებს, სტერეოტიპებს და გენდერულ მეინსტრიმინგს. უსაფრთოხების სექტორში გენდერული თანასწორობის კანონზომი ერებებს და გაეროს უშიშროების საბჭოს 1325 და თანმდევ რეზოლუციებს;